Да бидеме хумани, да донираме за Ристо Донев.

– Михаило Донев, новинар во Слободен печат утринава во Утрински брифинг упати апел до сите граѓани.

– Мојот татко е хоспитализиран во Штип минатата сабота, за жал состојбата со вирусот веднаш се искомплицира, па мораше да се бара алтернатива тој итно да се префрли во Скопје. Во државните клиники поради состојбата е хаос, не сакам никого да обвинувам знам дека многу луѓе се со истиот проблем, но не успеа да му се најде место, па мораше да го хоспитализираме во приватната клиника Филип Втори во Скопје.

– Моментално се наоѓа на респиратор, а вчера доплативме уште 2.500 евра за трета хемофилтрација на крвта, бидејќи првите две очиледно не го дадоа посакуваниот резултат.

Благодарам до сите хумани луѓе кои покажаа колку се големи и донираа сериозна сума на пари досега. Тие покажаа и дека татко ми не е сам, така што оваа битка ќе се води до последниот здив.