Димевска: Во центрите за одвикнување од зависности нема заразени од Ковид 19

Во центарот за одвикнување од зависности „Нарконон“, нема заболени студенти, учесници во програмата ниту волонтери. Се почитуваат мерките за претпазливост од ширење на корона вирусот, информираше во Утрински брифинг Александра Димевска.

„Ги почитуваме мерките од Министерството за здравство. Дополнително, користиме електронско банкарство, не дозволуваме влез на други возила однадвор. Сетоа тоа за да немаме многу контакт“, вели таа.

„Нарконон“ како дел од мрежата центри под управа на италијанскиот центар, има обезбедено средства за дезинфекција уште во најрана фаза кога во Италија беа преземени мерките.

„Бевме свесни дека ќе дојде корона вирусот во Македонија“, вели Димевска.

Активностите им се одвиваат непречено, тврди Димевска, со тоа што работат на подобрување на имунитетот на студентите кои се во Центарот за одвикнување и досега нема во ниту еден од центрите заразен од студентите или волонтерите.