? ?Дита Старова – Ќерими: Уметноста ја храни душата, креативноста на децата мора да биде ослободена

И во нормални услови ликовната уметност е секогаш заборавена. И покрај тоа што сме затворени за време на пандемијата Ковид-19, Националната галерија ја продолжува својата мисија во доменот на едукацијата, овој пат со охрабрување на сите деца кои треба да направат уметнички дела, со кои ќе им се заблагодарат на хероите на нашата заедница, изјави за Утрински Брифинг, Дита Старова – Ќерими, ликовен уметник, универзитетски професор и директор на Националната галерија на Македонија.

Националната галерија ги повика семејствата и децата да направат и споделат уметност заснована на темата „Нашите херои“.

„Херои можат да бидат сите, покрај докторите, медицинските сестри како и целиот персонал во здравството, касиерката во маркетот, полицаецот, пожарникарот, возачот на автобус, баба и дедо, мама и татко кои се грижат за Вас, бато кој мора да те „трпи“ цел ден, учителката која се грижи образованието да продолжи непречено, службеникот во банка и сите оние кои ја одржуваат работата на заедницата“, вели Старова – Ќерими.

Пред некој ден не изненади што пристигнаа цртежи и од Германија.

Морам да кажам дека уметноста ја храни душата, изјави за Утрински брифинг Дита Старова – Ќерими.