Еко логик: Вело училишта, начин за развој на мобилноста кај децата

Здружението Еко логик кое беше дел од Европската недела на мобилност, ги вклучи и училиштата во одбележувањето на неделата на мобилноста. Андријана Зафирвска, претставник од здружението денеска во Утрински брифинг рече дека оваа година акцентоит е ставен на најмладите.

-Отворивме литературен и ликовен конкурс за учениците од основните училишта на тема: Велосипедот од моите соништа, Јас како еко херој и Еколошки предизвици и решенија во моето маало. Конкурсот ќе биде отворен до 30 септември, а за најуспешните ќе следуваат награди, рече Зафировска.

Додека пак, за повозрасните, на воздраст од 21 до 40 години е предвиден тренинг во Албанија.

– Обуката ќе се реализира во Албанија од 8 до 15 октомври. Целта е да се работи на развивање на дигитални зелени вештини кои се неопходни за да ги спречиме негативните влијанија на климатските промени. На обуката ќе присуствуваат околу 40 учесници од Албанија, Босна и Херцеговина, Португалија, Романија и други. Од Македонија е предвидено на оваа обука да заминат пет претставници, информира Андријана Зафировска од Еко Логик.

Во Еко логик има и вело училиштата за чие учество не се плаќа членарина тукуфункционираат  преку склучен меморандум со општините и општинските училишта. Досега е склучен меморандум со 150 основни училишта.