? Илјас од ДПТМ: Мислата за подобра иднина не доведе до коалицијата со СДСМ

-Поради овој изборен законик ние сме принудени да коалицираме. Тоа е еден вид на проблем, би сакале да настапуваме сами, но што е тука е. Кога настапуваме во коалција имаме барања со кои би требало да се согласуваме со останатите партии. Ние сме убедени дека Република Северна Македонија ќе биде дел од ЕУ. Веќе сме членки во НАТО, а на прав пат сме кон Европската Унија, изјави за Утрински брифинг, претседателот на Демократската партија на Турците на Македонија, Бејџан Илјас.

-Мислејќи за подобра иднина ние дојдовме да бидеме во коалиција со СДСМ. Имаме програмски усогласувања и затоа сме дел од Коалицијата „Можеме“, вели Илјас.

-Ние граѓаните ги гледаме како дел од операцијата за подобра иднина. Во програмата 90 % се земени мислењата на граѓаните. Тие дадоа свој придонес во формирање на програмата, додаде Илјас.