Коцевски: Постои вознемиреност во Велес, апелирам да се направат повеќе брисови и така да се намали паниката во градот

Од минатиот петок сум во карантин, но благодарение на современата технологи може и да се работи од дома, изјави за Утрински брифинг, градоначалникот на Велес, Аце Коцевски.

Се обидуваме Велес да функционира колку што е тоа можно и се надевам дека тоа го правиме со успех. Постои вознемираност во градот. Моја желба до министерот е да се земат повеќе брисови и така би придонеле да се намали паниката и спречување на ширење на вирусот.

Морам да напоменам, дека во ниеден случај не смееме да ги стигматизираме заболените од вирусот. Треба да ги охрабриме и поддржиме што побрзо да се справат со вирусот, изјави Коцевски.