Лефков: Резолуцијата ќе биде доставена во Собрание по завршувањето на состаноците со сите политички партии

ВМРО – ДПМНЕ веќе подолго време зборува дека е потребно токму овде од Собранието како претставник на законодавната власт да се донесе една резолуција односно да се донесе еден акт којшто ќе биде задолжителен и за Владата, за МНР, и за сите други институции коишто се занимаваат со надворешната политика, со што ќе ги поставиме нашите црвени линии и практично нема да оставиме меѓународните односи да се градат на непринципиелни ставови односно ќе поставиме еден м ногу потребен општествен консензус во врска со нашите најзначајни национални прашања.

-Токму една таква резолуција беше објавена во медиумите и за неа одредени политички партии се изјаснија дека таа ќе биде прифатена, а и најголемата владеачка партија исто така рече дека ќе даде поддршка и се надеваме дека од СДСМ ќе си останат доследни на кажаното и нема да се користи со одредени трикови овде во Собранието. Резолуцијата до Собранието ќе биде доставена по завршување на сите состаноци со политичките партии за до крај да ги доусогласиме позициите и истата таа во најкраток можен рок да биде донесена во Собранието и како таква да ги зацрта македонските црвени линии , да го создаде тој неопходфен консензус околу нашите најважни национални прашања за да можеме да градиме принципиелна политика без притоа да се судруваат дневно политички препукувања на тие теми, изјави за УБ пратеникот од ВМРО – ДПМНЕ, Миле Лефков.

Целиот разговор погледнете го во видеото