Легализација на марихуана: „За и против“, разговор со Борјан Јовановски
Се поизвезно е разлабавување на законските регулативи кои се однесуваат на производството и употребата на канабис за лични потреби и во медицински цели, откако денеска премиерот Зоран Заев најави дека оваа индустрија е еден од приоритетите на Владата за наредната 2021 година.
Приходи од милиони евра во Буџетот, нови работни места како и декриминализација и депенализција на мали количини за лична употреба, измени во Законот за опојни дроги со кои ќе се овозможи извоз на продуктите на домашните продизводители на канабис, проширување на листата на медицински состојби каде пациентот ќе може доколку сака да се лечи со продукти од канабис одобрени од здравствените власти се главните поенти во делот од обраќање на премиерот Зоран Заев на темата канабис.
Во Утрински брифинг на тема „Легализација на марихуана: за и против?“, говореше новинарот Борјан Јовановски.
-Ова е битно отелотворување на еден либерален дух. Отворање на една тема која непотребно се држи како табу со години наназад, иако во светот се разговара и применува многу. Целиот либерален западен свет ја има апсолвирано оваа работа. Од бројките кои марихуаната може да ги донесе во економијата може да се нарави сериозен импакт во економско-општествениот развој. Она што ми е чудно е откако Заев ја даде таа изјава ми се јавија колеги од Словенија, од Хрватска, Словенија, Еуроњуз и просто во позитивен контекст стана хит. Затоа мислам да се отвори дебата за влијанието на марихуаната од аспект на економија, здравствениот интерес, како и декриминализацијата, вели Јовановски и додава дека според некои информации минимум 100 милиони евра годишно може да се донесат во земјава од туризмот тикму заради оваа.
Она што мене повеќе ме загрижува е дали државата има административни капацитети да ја проследи таа имплеметација на законот. Многу добро знаеме дека наша хронична болест е да се имплементираат законите. Но и исто така морам да кажам дека марихуаната е убава работа, но не е наивна. Во таа смисла мора да се знае кои ќе бидат критуериумите за садење, за отворање на социјални клубови, под кои услови. Во Македонија веќе постојат 55 инсталации за производство на марихуана кои чекаат Законот да им дозволи извоз на цветот, што е смешно да седи по магацини. Затоа и не може да стане збор за некаков монопол како што струи низ јавноста, смета Јовановски.
Целиот разговор во кој се говори за неопходноста од вклучување на разни институции како министерството за образование, каков ефект ќе има ваквиот либерален пристап на т.н црн пазар погледнете во видеото