Охрид СОС: УНЕСКО нема да ни го одземе статусот, ама сами ќе си го одземеме ако продолжиме вака
Охрид претрпува промени со промената на локалната власт. Актуелниот градоначалник најави враќање на концесиите на плаѓите.
-Противзаконски би било да се спрведе тоа што тој го наведе. Да, има дивоградви кои се од цврста градба во појасот од 50 метри од езерото каде што не смее да има цврсти градби. Неуко е да се даде ваква изјава и навестува спрега со бизнис секторот, а освен тоа е дилетантски однос кон светско природно богатство како што е Охридското Езеро, вели Велковска.
Ако по целото крајбрежјето се распостелат такви објекти ние ќе побараме одземање на ингеренциите на локалната самоуправа во Охрид и ќе поднесеме кривична пријава. Имаме закон кој определува дека е незаконски тоа што се најавува и не моѓе, според препораките на УНЕСКО, да поминат. Според УНЕСКО, ниеден план не смее да ја наруши универзалната вредност на регионот кој е под заштита. Комисијата за управување со охридскиот регион мора да даде одобрување за секоја измена на плановите, појаснува Велковска.
-Ние видовме дека луѓе бесплатно го користеле езерото и бесправно го користеле. Тоа то останало на плажите, мора да се доруши, вели таа. -Локалните луѓе не одат на плажите со шанкови, ним им е оневозможено да одат во местото каде што се родени, додава таа.
-Бизнис спрегата на урбанистичката мафија со власта постои и не прекинала да постои. Но, како држава мора да имаме функционални институции кои ќе реагираат. Сѐ може да се смени ако постои добра волја. Само треба да се биде искрен и објективен. Она што му се случува сега на регионот од урбанистичката мафија еден ден ќе запре, вели Велковска за Утрински брфинг.
Охрид СОС има свои реакции и за струшкиот дел од езерото. Градоначалникот Мерко нѐ игнорираше и не сакаше да реагира дури ни при палењето на трските во езерото. Дури кога Ана Петровска дојде во Инспекторатот за животна средина почна да се реагира, вели Велковска.
Таа додава дека решението за Охрид е одржлив туризам и елитен туризам, вели Драгана Велковска советничка во Град Скопје и активист на „Охрид СОС“.
Велковска вели дека инспекторатите едноставно не функционираат.
-Не постои такво нешто како што е старо дрво. Ајде да ги исечеме чинарите кои се најстари во Охрид. Дрво може да е болно и треба да се лекува. Ако сакаме да компензираме, прво треба да се засадат нови дрвја, да се почека да пораснат па да се исечат други, вели Велковска по повод сечењето на цел дрворед во центарот на Охрид.
УНЕСКО се закани дека ќе ни го одземе статусот на Охрид.
-Нема тие да ни го одземат, самите ќе си го одземеме. Нашата работа има плод, но институциите мора да ги водат искрени луѓе врз научни податоци, а не партиски луѓе кои ќе прават нарачани истражувања, вели Велковска.
Целиот разговор погледнете го во видеото