? Петковска од коалицијата „Сите за правично судење“: Граѓаните имаат право да знаат за своите права пред судот

Граѓаните имаат право да знаат за своите права пред судот во кривичната постапка. Граѓаните имаат потреба од ваква работа па од таму излезе и прирачникот. Ние работиме на мониторинг на судските предмети, изјави за Утрински брифинг Ивана Петковска од коалицијата „Сите за правично судење“.

-Прирачникот е поделен на неколку сегменти кои нашит граѓани треба да ги знаат. Објснето е од тоа како се влага во судот па се до тоа како тече кривичната постапка, кои права ги има оштетениот, трошоците итн. Последниот дел се однесува на правната терминологија, односно термини кои не се доволно познати за луѓето.

-Правото на фер и правично судење гарантира правичност во постапката која се води пред судот, тоа значи дека сите граѓани се еднакви пред законот. За сите граѓани постапката пред судот е иста, односно таа треба да биде јавна, брза и непристрасна, водена согласно законите со почитување на човековите права и стандардите за фер и правично судење. Правото на правично судење значи дека секој поединец има можност пред непристрасен и независен суд да ја изнесе својата одбрана и да ги изложи сите докази коишто одат во негова корист. Едно од основните начела е начелото на судење во разумен рок. Ова начело значи дека судот треба брзо и без одолжување да ја спроведе постапката, изјави за Утрински брифинг Ивана Петковска од коалицијата „Сите за правично судење“.