Петров: Иновациите и развојот на технологии да ја заземат централната улога во нашата развојна економија – ФИТР ќе биде двигател на оваа трансформација

Причината поради која јас влегов во политиката е бидејќи верувам во една нова иновативна политика, верувам во младите политичари иноватори. Се надевам дека преку мојата тимска работа во СДСМ креираме една нова слика, внесовме нови луѓе, кадри и енергија. Моето влегување во ФОндот е логично продолжување на мојата визија – во Македонија има иноватори, еден нов бран на претприемачи, кои создаваат брендови, бизни, за кои можеби многумина од нас не знаат а го менуваат локалниот со потенцијал да го променат и глобалниот свет. Јас сум благодарен на претходниот директор Деспотовски за одличната работа во Фондот, изјави во Утрински брифинг потпретседателот на СДСМ и вд директор на ФИТР, Коста Петров.

Во моментов во Македонија имаме две реалности – едната е дека младиоте се иселуваат, но има една друга реалност – нов бран нна млади македонски претприемачи кои покажуваат дека може и се успева од тука. Јас се надевам дека овие приказни ќе ги промовираме. Она што јас сакам да направам е да ги мотивирам овие луѓе, да ги споделам овие приказни, бидејќи најголем дел од нив успеале сами и да видиме како го направиле тоа, вели Петров.

ФИТР како институција ја гледам како двигател во таа нова македонска развојна економија. ФИТР не е само агенција која нуди грантови, туку ќе работи со други институции, со администрација како таму да се донесат позитивни промениу. Една риказна на ФИТР е успешно завршена- брендот е изграден. Она на кое што јас се надевам дека ќе успеам е да создадеме дијалог со македонските, интернационалните иноватори, со технолошки и финансиски експерти и да креираме една заедничка стратегија, бидејќи едно вакво пресвртување во економијата неможе да го направи само државата. Затоа во едно идеално општество каде иновациите се на врвот од агендата постои еден модел на одличќна соработка на државата – академската заедница – приватниот сектор, смета Петров.

Целиот разговор со потпретседателот на СДСМ и вд директор на ФИТР, Коста Петров погледнете го во видеото