Пешева: Итно е потребен систем на казни кон причинителите на загадувањето

Пластичните кеси од 1 декември се забрануваат, а на пазарот ќе се продаваат биоразградливи ќеси за 15 денари по парче кои ќе треба да бидат произведени според пропишани стандарди за биоразградливост.
Ова се предвидува во Законот за управување со пакување и отпад од пакување кој го донесе Собранието.

Но, од Иницијативата за забрана за пластични кеси велат дека колкаво поместување во позитивна насока ќе донесе новиот закон, ќе зависи од понатамошниот тек и подготвеноста на институциите и Министерството за животна средина, за, како што додаваат, овојпат доследно да го спроведат законот.

Во законот истовремено се утврдува и дека трговците се должни да водат евиденција на квартална основа за бројот на продадени кеси, која треба да ја доставуваат до стручниот орган. Вкупната сума добиена од надоместокот од продадените кеси, трговците треба да ја пренесуваат на посебна сметка отворена за таа намена на органот за животна средина.

Дополнително, со него се забранува и пуштање на пластично пакување за еднократна употреба во угостителските објекти на територијата на заштитените подрачја во земјава.

-Навистина е тешко од аспект на граѓанските активисти да можеме да ги следиме сите закони. Бројот на еко активисти е се поголем, но и обемот на законите е огромен. Се обидуваме да си помагаме за сегменти кај што некој од нас е постручен од некои други, но ова некако со Законот за управување со пакување и отпад од пакување не можам да кажам дека сме задоволни, изјави во Утрински брифинг Ели Пешева од О2 и New Moment.

Целиот разговор погледнете го во видеото