Поповски: Апсурд е што анти-ЕУ десничари владејат со парите од ЕУ

Феноменот на изборната победа на Орбан и зголемувањето на гласовите за десничарите е тема на неделната колумна на новинарот и аналитичар Љупчо Поповски за Утрински брифинг.

-Во најголемиот дел од македонската и европската јавност се смета дека главните поенти на владеењето на Виктор Орбан во Унгарија се економскиот подем и покрај високата корупција, злоупотребата на државата и медиумите во негова полза и така натаму, вели Поповски.

Тој додава дека изборните закони се до толку изменети и „усовршени“ што опозицијата нема шанси да победи. Сепак, неговата економска програма е таа што му носи гласови, вели Поповски.

-Целата работа што Орбан ја прави за за економско закрепување на Унгарија ја прави со пари од Европската унија, а оди спротивно на нејзините политики. Во Унгарија минималната плата ги покрива трошоците за живот што никој досега не го постигнал. Пензионерите, на пример, примаат тринаесетта пензија, а младите и семејствата со три и повеќе деца не плаќааат персонален данок, вели Поповски.

Но, Орбан ќе се соочи со проблем бидејќи ЕУ мора да го прекине тоа беконечно финансирање на Унгарија со оглед на сите кризи со коишто се соочува континетот.

Во Франција значаен број гласови доби десничарската кандидатка за претседател Марин Ле Пен.

-Резултатите се тесни: 27,6 се за Макрон, а 23,4 за Ле Пен, а за Меланшон се 22 отсто. Западниот и централниот дел го добива Макрон, а северниот дел и југот го добива Ле Пен, а Париз и околината е целата за Меланшон иако градоначалничка на Париз, Ан Идалго, е од паријата на Макрон, вели Поповски.