Поповски: ЕУ во догледно време може да го укине институтот вето, но засега бугарското вето за нас останува

Што ќе се случува, а што нема да се случува со Европската унија се дебати кои со години се актуелни во контекст на реформите на Унијата, а се и тема на последната колумна на колумнистот и новинар Љупчо Поповски.

-Дебатата се одвива не само во формалните институции на Унијата туку и на граѓански панели, кои ги има околу 170. Секако, во оние земји каде што има повисоко на ниво на демокатија, овие панели се поинтензивни. Проблемот со здравството и со дигитализацијата се едни од горливите теми. Здравството не го регулира Унијата, но видовме во време на пандемијата со ковид-19 дека здравствени мерки се носеа заеднички. Се разговара и за климатските промени, за социјалната држава и вработувањето. Има 39 препораки, над 100 предлози, кои поминаа на Европските парламент со голема поддршка од партиите и со противење на крајната десница и крајната левица, вели Поповски за Утрински брифинг.

Овие промени и предлози за промени се важни и за нас како земја аспирант. Особено нѐ интересира начинот на гласање за кој се предлага да биде мнозински за да се одбегне можноста за ставање вето, институција која често се злоупотребуваше.

-Една од клучните теми е подобрување на работата во однос на надворешната политика што значи да му се дадат повеќе ингеренции на високиот комесар за надворешна политика и безбедност, сега Жозеп Борел, кој би можел да настапува во име на целата Унија, вели Поповски.

Втората работа е да се одбегне ветото. Има предлог ветото да важи за две области – првата е прошрувањето, а втората е за основните Договори на Унијата кои ако се променат може да се промени и структурата на ЕУ, вели Поповски и додава дека според него е апсурдно ветото да остане за проширувањето.

-И за прашањето на ветото нема унисон став оти има земји како Шпанија и Германија кои се за укинување на институтот вето. Може да се случи да се укине или намали можноста за вето, коментира Поповски.

Со оглед на тоа што е извесно дека Бугарија ќе го задржи ветото против проширување на Унијата со РС Македонија, ни останува Отворен Балкан.

-Ние мораме да најдеме некакво решение. Ако Србија и Албанија, кои биле противници, можат да се здружат во Отворен Балкан, зошто и ние не би можеле да соработуваме со сите, додава Поповски.

Проследете го целиот разговор во видеото