Проф. Стојановски: Можноста да ескалира, до можноста да се смири ситуацијата со мигрантите се менува од ден на ден

Многу тешко ќе се предвидат чекорите во наредните денови, бидејќи можноста да ескалира, до можноста да се смири ситуацијата со мигрантите се менува од ден на ден. ЕУ се обидува да го менаџира прашањето.

Ердоган е во Брисел и охрабрува што воените дејствија е најавено дека ќе бидат ставени под контрола.

Тоа укажува дека состојбата може да се реши на политички начин. Бројот на мигрантите е многу поголем од што може да се претпостави. Таму има Пакистанци, Авганистанци итн. Мора да се направи разлика помеѓу мигрант и бегалец.

Турција е прва држава од истокот кон Европа, која што покажува капацитети да ги менаџира бегалските и мигрантските процеси и во таа смисла Турција на некој начин е земја во која што доаѓаат многу поточиња од мигранти, бегалци и всушност тука се препознава мозаикот на проблемот на тежината со која што се соочува оваа земја во однос на мигрантите и бегалците.

Сега кога Турција имаше воени дејствија, за кои ние можеме да говориме дека во некој дел се прифатливи, а во уште поголем дел неприфатливи, се обидува да се пазари со бегалците, што не е хумано, за своите интереси кои ги има во Идлиб. Во политиката нема многу обзири, кога се имаат аргументи секој се обидува да ги користи до максимум, изјави за Утрински брифинг, универзитетскиот професор Трпе Стојановски.