Рангеловиќ: Неминовни се инфлација и ценовен шок во светски рамки, а тоа е вон наша контрола и е неминовно

-Во делот на економијата секогаш сме имале и ќе имаме проблеми. Но, тука е и кризата со ковид која сѐ поремети. Во делот на економијата се споменува и корупцијата. Ако не се фокусираме на корупцијата како суштествен дел од економијата не можеме понатаму. Но, во сета таа магла од случувања тешко е да види кој е виновен, но мислам дека корупцијата има голема вина за нашата состојба со економијата, изјави за Утрински брифинг Иво Рангеловиќ, политиколог.

Корупцијата е врзана со правосудниот систем, па се вртиме во круг. Се предложи и нов закон за јавната и локалната администрација. Дали ЕУ се осврнува на даноците или правата на работниците?

-Во јавната администрација проблем е превработеноста и неефикасноста. Македонија има многу малку луѓе и фирми и тешко оди наплатата оти секој со секого се познава. Даночната реформа не е само нејзино донесување, туку нејзиното спроведување. Кога ќе дојдеме до ќорсокак ќе се јави ММФ и ќе наложи мерки што владата треба да ги спроведе, а тешко на таа влада.

-Фискалната политика па и монетарната се поврзани со идеологијата. Со фискалната политика имаме добри насоки, релативно добра е и стабилна. Само треба да вложиме напор да ја надминеме ковид кризата. Треба да ја поттикнеме и закрепнеме економијата во приватниот сектор.

Има насоки од ЕК дека треба владата да се фокусира на помош на домаќинствата, но и на задолженоста на земјата.

-Не е земено предвид дека ќе следува инфлација и ценовен шок зависно од цените на берзите и е вон наша контрола, а е неминовно. ЕК не ни нуди решенија, ние треба да дојдеме до решенија со помош на нашите експерти, а ЕК само изнесува критики и забелешки. Треба да имаме стратегија како ќе постапиме од јануари па натаму. Сѐ што правиме правиме за нас, не за ЕУ.

-Превработувањето во јавната администрација има нагорна линија и таа политика треба да се деконструира, но не очекувам дека набргу ќе се случи тоа. Но, кога ќе дојдеме до ситуација на апсурд ќе интервенираат светските економски механизми.