Реџепи: Коалицијата со СДСМ се совпаѓа со нашите идеи – државниот интерес во прв ред

Касами во САД ќе има средби со помошник секретарот во Стејт департментот Филип Рикер, ќе има средби со конгресмени, со директорот на канцеларијата за Евро-азија на Стејт департментот.

За нас и не е некое изненадување поддршката од Вашингтон, бидејќи иако сме млада партија, во делувањето на партијата секогаш сме делувале за државниот интерес кој се совпаѓа со нашите стратешки партнери како држава – во прв ред САД, изјави во Утрински брифинг, Кастриот Реџепи, потпретседател на БЕСА.

Политичките опоненти имаат негативни реакции за коалицијата, и тоа не радува, бидејќи доколу би не фалеле значи не сме на правиот пат.

Што се однесува до нашите поддржувачи и општо, иако е ново предизборна коалиција, условно кажано помеѓу партии од албанскиот и од македонскиот блок, сепак е општо прифатено, бидејќи токму нашите симпатизери знаат дека нашето политичко делување било во интерес на нашите гласачи, поддржувачи и во прв ред државните интереси, рече Реџепи околу рекациите за предизборната коалиција со СДСМ.