Седма сила: Закон за ЈО – дебатите продолжуваат, времето истекува

Закон за ЈО –  времето истекува, дебатите продолжуваат, но без посебен резултат. Уште еден обид да се направи компромис помеѓу политичките партии. Не се знае дали ќе заврши со успех или не.

Владеење на правото и сегментот судство. Важен е или не овој Закон за ЈО за евроатлантскиот пат на Македонија.

Токму на оваа тема гости во „Седма сила“ со Љубиша Николовски, беа новинарите Гордана Дувњак и Васко Маглешов.

-Имаме нова верзија, но стари позиции. Имам чуство дека ВМРО ДПМНЕ ги турка во преден план забелешките на експертите, но она што паѓа во очи е дека најголем камен на сопнување се во преодните и завршните одредби каде се решава судбината на истрагите, на трансферот на предметите од СЈО како и на натамошната работа на обвинителите, вели Дувњак, околу новиот Закон за ЈО.

Дискутабулно е дали отпорот е намера да се вратат старите начини на функционирање на ЈО.

Според Васко Маглешов врската на политиката со првите луѓе на ЈО мора да се пресече затоа што покажува неотпорност на влијанија.

-Во времето на Марко Зврлески сите предмети и пријави од страна на тогашната опозиција биле заведувани под „Разно“.

Од 73 предмети колку што преземало СЈО за ниту еден нема отворено истрага или дури биле затворени со резолуција.

СЈО отвори истраги за 53 од кои 22 се преточија во обвиненија за кои има активни судења, тврди Маглешов.

Погледнете – Закон за ЈО во „Седма сила“