Секуловски: Амбициите на Брегалница се влез во Првата лига, каде чекор по чекор до значајна улога во шампионатот

Брегалница под водство на шефот на стручниот штаб, Марјан Секуловски ги започна подготовките за пролетниот дел од сезоната во Втората лига – Исток.

Единствено од тимот, во однос на есенскиот дел, си замина Сашо Шоповски, а за наредниот период од клубот најавуваат и освежување на играчките редови со неколку нови фудбалери.

Утврден е планот и за подготовките на тимот се до стартот на вториот дел од шампионатот закажан за 27. февруари. Првата фаза од подготовките фудбалерите на Брегалница ќе ја одработат во Штип, а од 3. до 14. февруари ќе бидат финалните подготовки во Дојран.

Веќе се договорени и неколку пријателски средби. Се почнува на 23. јануари со дуелот против Кит Го, потоа на 30. јануари е пресметката со Осогово, на 3. февруари дуелот со Борец, на 6. февруари против Беласица, за 13. февруари пресметката со Кожуф, а генералката ќе биде на 20. февруари против лидерот во Втората лига – Запад, екипата на Скопје.

Задоволни сме како го завршивме првиот дел од сезоната. Би ја истакнал младоста на екипата, нејзината перспектива. Генерално во составот имаме млади играчи. Функционираме на вистински професионални начин почнувајќи од сопственикот, па до менаџментот на клубот, изјави во Утрински брифинг шефот на стручниот штаб Секуловски.

Оваа година Брегалница слави 100 години од формирањето и тоа е мотив за добри игри, добри резултати, да го освоиме првото место и влез во првата лига, додава Секуловски.

Амбициите ни се да влеземе во првата лига каде ќе играме значајна улога. Јас сум првиврзаник на принципите чекор по чекор, па така по влезот во првата лига да не играме подредена улога, туку напротив да атакуваме на повисок пласман, вели Секуловски.

Целиот разговор погледнете го во видеото