Симовски: Одговорно тврдам, до последна точка и запирка е спроведен пописот по определната методологија

Не стивнуваат политичките реакции откако Државниот завод за статистика два дена по објавувањето на податоците од пописот направи корекција на дел од резултатите од пописот и откако беше објавено дека 132.000 граѓани не се попишани теренски.

-Тоа се неопфатени лица со теренскиот попис. Имавме попис по законот кој предвидува комбиниран метод на теренско попишување и преземање на податоци од регистарот. Овие лица од најразлични причини не беа попишани теренски. Не е спорно, голема е бројката. Но методот кој го користевме ни даде можност да ги опфатиме и овие лица, рече Апостол Симовски, директор на Државниот завод за статистика во гостувањето во Утрински брифинт.

Тој зборуваше за причините поради кои теренски не беа попишани овие 132.000 лица.

-Масовно кон крајот на август се отиде по плажите, и тоа е период на исклучителни активности во земјоделието поради кои дел од лицата не беа најдени дома или одбиваат доцна да се попишат. Но имаше и активен бојкот кога јавно се повикуваа граѓаните да не се попушуваа, но и пасивен бојкот кога не терен се делуваше пописот да не успее. Имавме и ковид, еден дел отидоа по одмори, млдите по журки и луѓе не отвораа врати од страв од коринавирусот и има многу фактори кои влијаеја за одбивање на пописот. За овие лица преземавме податоци од регистарот, тие се опшфатени, не останаа непопишани, дециден е Симовски.

Тој се осврна и на политичките партии кои повикуваа на бојкот и поради што голем број од граѓаните при теренскиот попис не им отворија врата на попишувачите.

-Политичктите субјети имаат свои агенди и делуват популистички и сакаат да соберат политички поени. И такви реакции очекувавме. До последната точка и запирка е спроведен пописот по определната методологија, одговорно тврдам. Јас од старт кога се најавуваше бојкот говорев да не подлегнуваат на вакви притисоци зошто за нив ќе земеме податоци. Ги предупредивме да не го прават тоа, рече Симовски.

Наспроти овие реакции, нема дилема дека пописот е спроведен по сите европски и светски стандарди.

-Не чувме ниту една реакција дека операцијата е спроведена надвор од стандардите. Ова не е институција сега што сме ја формирале. Тоа е институција во која работат професионалци и својата работа ја заврши најчесно и најкоректно. Посветено работа и максимално се ангажираа, рече Симовски.

Целиот разговор погледнете го во видеото