Симовски: Постојат одредени структури кои што не сакааат пописот да се спроведе, но населението масовно ја прифаќа оваа операција

-Текот на пописот е во рамките на она што го очекувамвме па дури и со темпо кое што мислиме дека е подобро од очекуваното. Добро е што е така, бидејќи имавме неколку дневен не прекин, туку намален интензитет на попишување од причини кои што ги објаснив – од технички карактер кои се надминети, изјави за Утрински брифинг директорот на Државниот завод за статистика, Апостол Симовски.

Дневно во работни денови просекот на попишување е околу 100.000 лица, за викенд е нешто подобро и очекуваме следниот период да биде уште подобро, додава Симовски.

Факт е дека населението масовно ја прифаќа оваа операција и обидите пописот да се бојкотира и пропадне паѓаат во вода, вели Симовски.

Откако почна пописот цел на хакерски напади е нашата веб страница. Имаше обид да се нападне и системот. Не сум стручњак во оваа област, но знам дека штета не е направена, но штета е што нашата веб страна е ретко досатапна за граѓаните, смета Симовски.

Постојат одредени структури кои што не сакааат пописот да се спроведе. Ако е причината борба за власт а притоа да се уништи државата, тогаш чуму ни е таква власт, изјави Симовски.