? Скопски агол: Црвениот крст и неговите мобилни тимови секојдневно помагаат на старите и немоќни луѓе

Црвениот крст на Република Северна Македонија го прошири обемот на своите активности во борбата против коронавирусот.

-Услуги даваат 37 мобилни тима, кои cе задолжени за логистичка поддршка на ранливи целни групи од населението на територијата на целата земја.

Сите мобилни тимови се активни секој работен ден, а нивната задача е да извршат неопходна набавка на лекови, прехранбени производи и средства за лична хигиена и тие да ги достават до домовите на старите изнемоштени лица, кои живеат сами, хронично болните, до семејства со лица со посебни потреби, самохрани родители. Целта е да им се помогне, да не ги напуштаат своите домови, со што ќе се спречи ширењето на коронавирусот.

Во текот на месецов како што се олабавуваат мерките така и се намалува обемот на работа. Имаме добро обучени тимови, кои се подготвени за справување со ситуацијата. Системот на брза проценка се практикува во оваа пандемија, изјави за Скопски агол, Сузана Тунова Пауновска од Црвениот Крст.

Ангажирани се и медицински сестри, кои вршат домашна посета на територија на Скопје. Нивната задача да извршуваат посети на стари и немоќни лица во домашни услови, вели Тунова Пауновска.