? Скопски агол: ЈП Улици и патишта – Намалениот сообраќај го користиме за обележување на сообраќајна сигнализација и реконструкции на велосипедски патеки

Скопски агол на Утрински брифинг денеска ја пренесе атмосферата од активностите за реконструкција на велосипедската патека долж булеварот „Партизански одреди“.

Главниот инжинер Марјан Павиќ информираше за текот на работењето.

-Ги вадиме бехатон плочките а на нивно место ставаме штампан бетон, по кој што многу лесно може да се одвива велосипедскиот сообраќај, информира Павиќ.

Тој додаде дека во моментов градежни работи се одвиваат и на Клинички центар.

-Работиме на изградба на паркинг веднаш до Гинекологија. Во моментов се работи на пробивање на улицата кон Онкологија и десно кон хирургија, информира Павиќ.

Како што вели тој, намалениот сообраќај за време на полицискиот час, ЈП Улици и патишта го користат за обележување на сообраќајната сигнализација.

-Вработените во претпријатието имаат дозволи за движење, кои им користат за работа во вечерните часави. Моментално се работи за обележување на улицата „Индира Ганди“ во Шуто Оризари, а согласно програмата ќе се обележуваат и остатани улици, дополнува Павиќ.