Славчо најавува врнежливо време, од петок значителен пад и температури под нулата

Денес времето во државава ќе биде претежно облачно со повремени локални врнежи од дожд, особено во попладневните часови. Повеќе врнежи ќе има во западните предели, додека на повисоките планини ќе има врнежи од снег. Ќе дува умерен до засилен ветер од јужен и од југозападен правец. Максималните дневни температури на воздухот ќе се искачуваат во интервалот од 10 до 17 степени.

Во Скопје и околината времето ќе биде променливо облачно со услови за повремени послаби врнежи од дожд. Ќе дува умерен до засилен ветер од јужен правец, додека максималната температура ќе се искачи до околу 13 степени.

Потоа утре ќе има преодно стабилизирање на времето, додека во ноќните часови кон четврток од запад ќе започнат нови врнежи од дожд и истите ќе продолжат и во четврток. На планините врнежите ќе бидат од снег.

Во четврток доцна попладне и навечер поради продор на многу студена воздушна маса која се спушта од Арктикот ќе има нагло и големо заладување на времето кое ќе биде проследено со засилен северен ветер и локално провејување на снег.

Од петок температурите ќе бидат значително пониски, додека за време на викендот истите на многу места ќе бидат постојано под нулата.