Славчо најавува постудено време со локални врнежи од дожд

Денес и утре времето во Македонија ќе биде претежно облачно и постудено со повремени локални врнежи од дожд, додека на планините и на некои од повисоките места врнежите ќе бидат претежно од снег. Утре ПОИНТЕНЗИВНИ врнежи ќе има особено на запад каде локално ќе наврнат над 25 л/м3 воден талог а на планините снежната покривка ќе се зголемува. Ќе дува слаб до умерен ветер од јужен и од југоисточен правец кој на некои места повремено ќе засилува.

Кон крајот на утрешниот ден ветерот ќе го промени својот правец во северен и долж повардарието повремено ќе биде засилен по интензитет, а температурите уште повеќе ќе опаѓаат со што снежната граница има услови понекаде да се спушти и под 1000 метри. Температурите на воздухот денес и утре ќе се искачуваат во интервалот од 6 до 14 степени. Потоа од четврток повторно ќе имаме стабилно и суво време без врнежи.

Во Скопје и околината денес и утре времето ќе биде претежно облачно со услови за повремени врнежи од дожд. Денес ќе дува слаб до умерен ветер од југоисточен правец кој кон крајот на денов ќе заислува, додека утре попладне и навечер ќе започне да дува умерен до засилен ветер од северн правец. Максималните дневни температури ќе се искачуваат во интервалот од 9 до 12 степени. Потоа од четврток повторно времето ќе биде стабилно, суво и посончево.