Славчо најавува променливо и облачно време – од утре сончево и надпросечно топло

До крајот на денов времето во Македонија ќе биде променливо облачно со сончеви периоди и со умерен до засилен ветер од северен правец. Претпладнево локално ќе има услови за слаб дожд и снег на планините. Максималните температури ќе се искачуваат во интервалот од 5 до 13 степени.

Во Скопје и околината времето ќе биде променливо облачно со сончеви периоди и со умерен до засилен ветер од северен правец. Максималната температура ќе се искачи до околу 10 степени.

Потоа утре времето ќе биде сончево и натпросечно топло со мала до умерена локална облачност. Ќе дува слаб до умерен ветер од северен правец, додека температурите ќе се искачуваат во интервалот од 7 до 14 степени. За време на новогодишната ноќ пак времето ќе биде ведро и не многу студено со мала до умерена локална облачност, а ќе дува и слаб до умерен ветер од северозападен правец. Температурите ќе се движат во интервалот од 1 до 6 степени.

Во првите неколку денови од новата 2022 година времето ќе биде стабилно, суво и сончево со мала до умерена локална облачност. Температурите ќе бидат невообичаено високи и тоа особено за време на викендот и истите ќе се искачуваат во интервалот дури од 10 до 17 степени.