Славчо најавува променливо облачно и посвежо време
Денес времето во Македонија ќе биде променливо облачно и СВЕЖО со умерен, долж повардарието повремено засилен ветер од северен и од северозападен правец. Особено попладне и во вечерните часови ќе има повремен локален дожд. Температурите ќе се искачуваат во интервалот од 15 до 23 степени.
Во Скопје и околината времето ќе биде променливо облачно и СВЕЖО со умерен, повремено засилен ветер од северен правец. Попладне и навечер ќе има услови за слаб локален дожд. Максималната температура ќе се искачи до околу 17 степени.
Потоа утре претпладне се уште ќе има нешто повеќе облачност, додека попладне облачноста ќе се намалува и од петок, па за време на викендот ќе имаме стабилно, суво и сончево време со мала локална облачност. Наутро температурите ќе бидат особено НИСКИ и понекаде ќе се спуштат дури до -1 степен. Максималните пак од петок, па за време на викендот ќе бележат тенденција на ЗНАЧИТЕЛЕН пораст и тоа под влијание на топла воздушна маса од југ, и истите ќе се искачуваат во интервалот од 25 до 31 степен.
И во Скопје од петок, па за време на викендот температурите ќе бележат тенденција на значителен пораст и ќе се искачуваат во интервалот од 26 до 28 степени.
