Трошановски: Сите членки на ЕУ да бидат погласни – методологијата е чедо на Франција и како таква во самиот зародиш е убиена од ирационални позиции на Бугарија

Марко Трошановски директор на Институтот за демократија кој заедно со Европскиот институт за политика и Евротинк излегоа со заеднички апел до ЕУ и Брисел, беше гостин во Утрински брифинг каде говореше за позицијата на Бугарија, потребата од некои земји членки подиректно да се вклучат во насока на одвраќање на Бугарија во својата намера со ирационални барања да го блокира почетокот на преговорите на земјава со ЕУ.

Трошановски изјави дека апелот е насочен до надворешната јавност – европскиот парламент, институциите на ЕУ. Според Трошановски, тоа е важно бидејќи поддршката на таквата реакција и гласното артикулирање значи и поддршка против ирационалната позиција на Бугарија.

-Франција е прилично тивка во овој период. Некако сите земји членки одлучија да ја остават борбата на Германија, но сметам дека сите треба да бидат гласни, особено што новата метологија е чедо на Франција и како таква во самиот зародиш е убиена од ваквите ирационални позиции на една земја членка, вели Трошановски.

Разговорот со директорот на Институтот за демократија Марко Трошановски погледнете го во видеото.