Фидановски: На новинарите им се закануваат, а никој не одговара
-Имаме над 20 напади врз новинарите од кои само еден има разрешница. Ако институциите на системот не реагираат промптно во вакви ситуации, новинарите ќе стравуваат поради работата што ја работат. Поповолен амбиент би требало да направи измената на Кривичниот законик кој ќе овозможи напад на новинар да се третира како напад врз службено лице и со повисоки санкции ќе ги застрашат потенцијалните напаѓачи, изјави за Утрински брифинг Зоран Фидановски, новинар и член на совет на ААВМУ .
-Мислам дека ќе има ефект. На интернет говорот на омраза се продуцира преку социјалните мрежи, што потоа продуцира и физички напади. Можеби ќе се испровоцира вербален напад, ама барем не физички напад.
Реален ли е извештајот на ЕК за медиумите
-Реален е. Производ е на ковид пандемијата но и на локалните наши прилики. Има напредок во однос на претходната власт, но последниве години имаме намалување на новинарските здруженија поради што се влошува социоекономската состојба на новинарите, поради што можат да бидат под финансиско влијание или да се самоцензурираат.
-Политичарите треба да имаат повисок праг на толеранција. Нормално е да добиваат и непријатни па и тенденциозни прашања. Но, тие се под окото на јавноста и мора да одговорат.
Реформите во МРТВ беа едно од главните ветувања но ништо не се случи.
-Јавниот сервис е огледало на државата. Зошто не се направени реформи е прашање за во парламентот. Политичките субјекти не можат да се договорат. Сега е најмал буџетот за јавниот сервис. Со тие пари што реално требаше да ги добие МРТВ ќе ја зајакнеше дописничката мрежа и ќе можеше да откупи подобра програма. Неизборот на нов програмски совет кој ќе го бира раководството на МРТВ ги закочува реформите.
Целиот разговор погледнете го во видеото