Попис во септември ќе има – загрижувачки тренд на иселување од Македонија

Само во Германија живеат над 130 илјади наши сограѓани. Не знаме колку од доселените будари имаат македонско државјанство. Секое трето новороденче се раѓа во странство – затоа населението во Северна Македонија старее. Директорот на ДСЗ не очекува дека пописот ќе регистрира повеќе од 1.5 милиони жители во државата.

Не планираме одложување на пописот. Нормално, се ќе зависи од состојбата со пандемијата, но со оглед на последните инфомации, не очекуваме дека во септември ќе имаме пик како што имавме во март и во април. Она што сигурно ќе направиме е да ги почитуваме сите мерки на зашштита, односно ќе се однесуваме во пописот како да е најголемиот пик на заразата, почитувајќи ги сите мерки. Од тој аспект населението не треба да биде загрижено. Септември иочекуваме да биде убаво времето, и дел, каде што има можност, пописот да го правиме на отворено, изјави во Утрински брифинг директорот на Државниот завод за статистика, Апостол Симовски.

-Очекуваме и дека добар дел од граѓаните ќе бидат вакцинирани. Обезбедени се вакцини за нашиот персонал, вели Симовски и додава дека Заводот ќе има евиденција на тоа кој е вакциниран.

-Планот е во втората половина од овој месец да го објавиме конкурсот за до почетокот на август да имаме комплетна слика, изјави Симовски.

Говорејќи за хонорарот на попишувачите Симовски вели дека нивото на хонорарите е сосема солидно и зависи од тоа колку попишувачите ќе сработат.

-Нашите планирања се тие хонорари да се движат од 20.000 до 30.000 денари, што е сосема солидно за помалку од месец дена работа.

-Она што сите не загрижува е дека голем број на луѓе ни се отселуваат. Показателите кои ги прибираме со статистичките истражувања во однос на раѓањата укажува дека имаме континуиран пад на раѓањата дома, додека расте на раѓањето во странство. Сето ова укажува дека добар дел од нашата популација е исселена од државата. Оттука е и мојот страв дека бројките на населението се помали. Податоците што ги гледав се запрепастувачки. Податокот од германскиот статистички завод е дека крајот на 2020 година во Германија имаме 128.000 македонски државјани кои престојуваат таму, со одобрение за престој. Тоа е огромна бројка. Не знаеме колкав е бројот на наши лица кои потекнуваат од Македонија а имаат германско државјанство, бидејќи Геманците не дозволуваат двојно државјанство, но исто така немаме податок колку наши државјани отишле таму со бугарски пасош, бидејќи ги сметаат како бугарски државјани, а таква бројка е близу 300.000. Само овој податок ќе ве замисли. Каде се останатите европски земји, прекуокеанските земји. Од она што сега го прибираме со самопопишувањето во страство, верувајте ми дека нема точка на земјината топка каде немаме наши државјани, вели Симовски.

Интегралниот разговор со првиот човек на Државниот завод за статистика погледнете го во видеото