? ? Јовановиќ: Владата со уредба да ги ограничи каматите за одложените ануитети – банките ќе бидат најголеми добитници од кризава
Ќе морам да се согласам со Владата – скандалозна е одлуката на Уставниот суд. Јас не сум голем поборник на пракса на намалување на плати или откажување од нив во име на солидарност, затоа што мислам дека тоа е на еден начин омаловажување на работата. Секој што работи, дури и државенфунционер вложува труд. И платата е надоместок за тој труд и затоа треба да биде достојно платен. Но ако веќе е донесена одлука да се скратат тие плати, скандалозно е што судот веднаш донесува одлука каде што намалувањето на своите плати го смета за противуставно, а други одлуки, процеси и иницијативи стојат нечепнати.
-Она што е загрижувачки е што ова ќе направи револт кај сите вработени во јавниот сектор и сите ќе ги почнат да ги обвинуваат и стереотипизираат дека се исти како судиите, дека се паразити кои ништо не работат. На овој начин ќе се зголеми револтот кон јавната админситрација и јавниот сектор во ситуација кога тоа воопшто не е така. Затоа сметам дека оваа одлука е многу лоша, но не гледам дека може нешто да се направи нешто во врска со тоа, изјави за Утрински брифинг Бранимир Јовановиќ, универзитетски професор и финансиски аналитичар.
-Има само една солидарност, нема повеќе. Во економска смисла тоа значи дека тие што заработуваат повеќе да даваат повеќе за општото добро, односно товарот од кризите да падне на нивни грб, затоа што тие профитираат и во мирнодобски услови, но дури и за време на криза. Требаше државата да ги зголеми даноците за профитабилните фирми и за богатите луѓе.
–Но наместо тоа гледаме повикување во име на солидарност покачување на акциза и даночење на сите. Во име на сите, кратење на плати во јавна администрација (добро што се откажаа, но сакаа да го направат тоа). Државата и функционерите се дури спремни да се откажат од своите примања, но не се спремни да ги оданочат богатите и моќните. Значи не се главни политичарите, туку бизнисмените, олигарсите, бидејќи само тие ќе останат нечепнати во оваа криза, вели Јовановиќ.
-Јас имам проблем со тоа кога јавните финансии на државата се сведуваат на доброволни прилози. Не може држава да се финансира од донации од фирми, да ги молите да платат данок пред време, да отварате сметки каде ќе се донира, да повикувате на откажување од МојДДВ, во ситуација кога имате толку голем неискористен потенцијал. Ние имаме најголема нееднаквост во Европа.
-Богатите луѓе во оваа држава заработуваат најголем дел од вкупниот национален доход од сите европски држави. Гоемите фирми заработуваат најголем дел од вкупниот национален дохофд во оваа држава и вие нив не ги даночите, туку повикувате на солидарност, вели Јовановиќ и додава дека на овој начин државата се доведува во ситуација да биде питач што е многу трагично.