? Андоновиќ: Трамп се заканува со прекин на односите со Пекинг – Од Кина закана за појава на нова болест
Дополнително се заострува тонот меѓу САД и Кина. Американскиот претседател Доналд Трамп се закани со прекин на сите односи меѓу двете земји и изјави дека повеќе не сака да разговара со кинескиот претседател Си Џинпинг.
Трамп со недели тврди дека тешките последици на Ковид-19, со речиси 300.000 мртви во светот, можеле да се избегнат доколку Кина постапила одговорно веднаш штом вирусот се појавил во Вухан. Републиканците во Сенатот се обидуваат да донесат закон кој би му овозможил на претседателот да ѝ воведе санкции на Кина ако не биде целосно транспарентна во однос на потеклото на болеста. Вашингтон го обвини Пекинг за обид за кражба на податоци за истражувањето на Ковид-19. Кина пак најави дека ќе ги оневозможи настојувањата на Трамп да воведе дополнителни санкции кон Иран. САД сакаат да ги воведат санкциите кон Техеран иако засега нема докази дека Иран развива нуклерано оружје.
Кина ја отфрли стратегијата на САД за продолжување на ембаргото на оружје за Иран, како и најавата на Вашингтон дека доколку не успее, тоа ќе се прави преку Советот за безбедност на ОН.
Кинеската мисија при Обединетите нации во Њујорк соопшти дека со повлекувањето од иранскиот нуклеарен договор во 2018 година, Вашингтон „не ги исполни своите обврски” од Резолуцијата на Советот за безбедност во 2015 година, во рамки на која беше усвоен нуклеарниот договор со Иран.
Договорот на САД, Русија, Кина, Германија, Велика Британија и Франција го спречува Иран да развива нуклеарно оружје, а за возврат се олеснети санкциите за Техеран.
Договорот, познат како ЈЦПОА, дозволува продолжување на санкциите, вклучително и ембарго на оружје, доколку Иран го прекрши договорот.Кинеската мисија во ОН оцени дека САД „немаат право да го продолжат ембаргото на оружје на Иран, а уште помалку да бидат вратени санкциите против таа земја. Одржувањето на договорот е единствениот пат да се појде напред”. Според овој договор, американското ембарго на оружје треба да истече во октомври.
Како дополнителна тензија меѓу двете супер сили доаѓа заканата дека во Кина се појавила нова заразна болест. Се работи за хепатитис б, високо заразна болест која се пренесува преку стаорци.
Засега не е познато како оваа болест се пренесува па оттаму и стравувањата дека би можело да се повтори пренесување на на оваа болест врз остатокот на светот слично како пандемијата на коронавирусот.