? Град Скопје дава субвенции во висина од 1000 евра за субвенции за инвертер клими

Во тек е аплицирањето за субвенции за инвертер клими. Денеска во Скопски агол на Утрински брифинг, портпаролот на Град Скопје, Ваљон Салиху истакна дека аплицирањето се врши по електронски пат, со цел да се избегне метежот на кој бевме сведоци за време на аплицирањето за субвенции за велосипеди.

Ги надминавме правните и техничките пречки за да можеме да овозможиме он лајн аплицирање, што е новитет за Градот, но се надевам дека ова ќе стане пракса во иднина, истакна Салиху. Тој информира дека Градот ќе додели 5.000 субвенции за инвертер клими.

Досега за две недели има 1.300 барања за субвенции, повикот ќе трае до 30.11. 2020, или додека не се исцрпат предвидените средства, а на повикот можат да учествуваат сите граѓани кои имаат фискални сметки и кои купиле клима од 01.01. 2020 година, додаде Салиху. Еден од условите за добивање на субвенции за инвертер клими е граѓаните да се откажат од старата печка, со изјава заверена на нотар.

Граѓаните кои сакаат да добијат субвенции треба да се откажат од старите печки и тоа со изјава заверена на нотар, а и да се догласат печките да ги однесат на претходно договорена локација. Услов исѕо така е, и да не добиле субвенции минатата година. Сепак, за сумата која ја дава Град Скопје, во висина од 62.000 денари, може да се купат две инвертер клими, но тоа значи дека ќе треба да се откажат од две печки, објаснува Салиху.