? И рекреативците од денеска можат да пливаат во базенот Карпош
Од денеска базенот Карпош ги отвора вратите и за рекреативците, по неколкумесечна пауза предизвикана од пандемијата на вирусот Ковид 19. За протоколите кои ќе треба да ги почитуваат посетителите, но и за отворањето на Аква паркот, во Скопски агол, на Утрински брифинг, денеска зборуваше директорот на СЦ Борис Трајковски.
Веќе четири месеци го чекавме овој момент. Пред 25 дена базенот го отворивме за клубовите и федерациите. Од денеска базенот ќе може да го посетат сите граѓани кои ќе сакаат да се рекреираат и да пливаат, но под посебни протоколи. Не е дозволено туширање, ниту користење на соблекувалните, освен поединечните кабини. Во видата, на 7m2 миже да има еден пливач, што значи дека во големиот базен можеме да примиме најмногу 25 пливачи. За жал, нема да има многу термини, бидејќи после секој термин треба да има половина час за дезинфекција на сите објекти, информира Петровски. Тој додаде дека во текот на денот ќе има термини како за тренинџи, така и за рекреација.
Направивме една анкета, кои термини најмногу им одговараат на рекреативците, и така ги приспособивме термините. Па така, од 7 до 8 часот наутро, базенот е отворен за рекреативци кои доаѓаат да испливаат пред работа, потоа од 12 до 14 часот и од 20.30 часот, додека за време на викендите имаме повеќе термини за посетителите, кои можат да се видат на нашата веб страна, дополни Петровски. Тој најави и наскоро отворање на Аква паркот.
Досега најмногу притисоци имаме за отворање на Аква паркот, што е разбирливо бидејќи граѓаните не можат да излезат од државата за да одат на одмор. Ние доставивме протокол и наши мислење, како би функционирало работењето на Аква паркот. Тој протокол денеска е ставен на дневен ред и имам најава дека или од викендов или од понеделник ќе почне со работа и Аква паркот, освен ако не се случи драстично покачување на бројот на заразени, рече Петровски. Тој објасни дека Аква паркот ќе работи со половина од капацитетот, лежалките ќе бидат поставени на четири метри растојание, внатрешните тушеви нема да се користат, а билети ќе можат да се купат и онлајн, со цел да се намалат гужвите пред билетарницата.