Путин и Трамп се договорија да работат на брз прекин на огнот, но војната во Украина се интензивира

Русија и Украина рано утринава се обвинија меѓусебно за воздушни напади кои предизвикаа пожари и оштетена инфраструктура само неколку часа откако претседателот Владимир Путин се согласи на ограничен прекин на огнот во руската војна против Украина.

Американскиот претседател Доналд Трамп и Рускиот претседател Владимир Путин повеќе од два часа разговараа по телефон за завршување на војната во Украина.

Тие се согласија дека мировните преговори во врска со руско-украинската војна треба веднаш да започнат, соопшти Белата куќа.

Путин го прифати предлогот Русија и Украина да престанат да ја таргетираат енергетската инфраструктура на 30 дена. По разговорот и наредил на руската војска да ги прекине нападите.

Тие се согласија да создадат руски и американски експертски групи за решавање на конфликтот во Украина на билатерална основа.

„Се договоривме за итен прекин на огнот на сите енергетски и инфраструктурни објекти, со разбирање дека ќе работиме брзо за да постигнеме целосен прекин на огнот и, на крајот, да ставиме крај на оваа многу страшна војна меѓу Русија и Украина. Оваа војна никогаш немаше да започне ако јас бев претседател“, рече Трамп.

Тој додаде дека имал „многу добар и продуктивен“ разговор со Путин и дека разговарале за „многу елементи од мировниот договор, вклучувајќи го и фактот дека илјадници војници умираат и дека и претседателот Путин и претседателот Зеленски сакаат тој да заврши“.

Путин го информирал Трамп дека Русија и Украина денеска ќе разменат по 175 затвореници. Како гест на добра волја ќе бидат префрлени 23 тешко ранети украински војници кои се лекуваат во руските болници.

Тие ја истакнаа важноста од запирање на ширењето на стратешкото нуклеарно оружје.

Неколку часа подоцна, двете страни регистрираа напади на нивна територија.

„Русија напаѓа цивилна инфраструктура и луѓе во овој момент“, изјави Андриј Јермак, шеф на кабинетот на украинскиот претседател, во текот на ноќта на комуникациската платформа „Телеграм“.

Светот денес со Дејан Андоновиќ

Слободен печат – секогаш на страна на народот.
https://www.slobodenpecat.mk/

Претплатете се на нашиот Youtube канал

Следете нѐ на Facebook: https://www.facebook.com/slobodenpecat
Следете нѐ на Instagram: https://www.instagram.com/slobodenpecat/
Следете нѐ на Twitter: https://twitter.com/sloboden_pecat/

#slobodenpecat #slobodnaTV
#slobodenpecat #slobodnaTV