Андоновиќ: Мемоарите на Болтон последен обид на демократите да извршат удар врз Трамп
Демократите шанса да сменат мислење кај некои републикански сенатори гледаат во поранешниот советник за национална безбедност Џон Болтон.
Имено, Болтон најави излегување на книга со негови мемоари кои содржат пикантерии од неговата работа во администрацијата на Доналд Трамп.
Во својата анализа, новинарот Дејан Андоновиќ за Утрински брифинг на „Слободна ТВ“ ги посочи евентуалните сценарија.
Во Сенатот трае дебатата за тоа дали има потреба покрај сослушувањето на аргументите за или против обвинувањата на Трамп да бидат повикани и сведоци кои би ги потврдиле обвинувањата.
Демократите сакаат да ја убедат јавноста дека сведоци се потребни и сакаат да издејствуваат републиканците да дозволат повикување на сведоците. Целта е да се смени мислењето на некои од републиканците за тоа е потребно просто мнозинство.
Односот на силите 47:53 во полза на републиканците. Доколку не успеат да го издејствуваат ова, пресудата за импичментот најверојатно ќе биде донесена утре.
![](https://slobodenpecat.tv/wp-content/uploads/2020/01/деко-1024x574.png)
Демократите шанса да сменат мислење кај некои републикански сенатори гледаат во поранешниот советник за национална безбедност Џон Болтон. Тој најави излегување на книга со негови мемоари кои содржат пикантерии од неговата работа во администрацијата на Доналд Трамп.
Токму тврдењата на Болтон во неговите мемоари дека Трамп лично му кажал за обвинувањето дека испорака на оружје за Украина ќе биде изведено доколку Киев почне да спроведува истрага против поранешниот потпретседател Џо Бајден, демократите гледаат дека ќе влијае врз менување на мислењето на одредени републиканци.
Во меѓувреме Белата куќа му упатила формална закана на поранешниот советник за национална безбедност на американскиот претседател Доналд Трамп. Целта е да го спречи објавувањето на книгата „Мемоари од Белата куќа“.
Услов било Киев да помогне во истрагите за демократите вклучувајќи го и Џо Бајден и неговиот син Хантер.
Во неа Болтон објавува детали од разговор со Трамп во кој рекол дека сака да ја замрзне воената помош за Украина.
Услов било Киев да помогне во истрагите за демократите вклучувајќи го и Џо Бајден и неговиот син Хантер.
Трамп претходно демантираше дека воопшто се случил ваквиот разговор кој го нарече основа за непоткрепени обвиненија.
Инаку Мемоарите или книгата на поранешниот советник за национална безбедност Џон Болтон треба да излезат на 17 март.
Во нив е содржано тврдењето на Болтон дека Трамп во замена за воена помош на украина барал Киев да започне истрага против синот на бившиот потпретседател Џо Бајден.
Сепак, републиканското мнозинство во Сенатот со сигурност ќе го ослободи Трамп од сите обвинувања.
Шанса да дојде до промена е ставот на некои републикански сенатори кои би можеле да ја подржат иницијативата демократите да го повикаат Болтон да сведочи пред сенатската комисија.
Болтон е јастреб кој империјализмот го спроведува на најбрутален начин
Дејан Андоновиќ
Но, колку и да е лут на Трамп за неговата смена, сепак Болтон е идеолошки обоен човек и идеолог на најбруталниот и најотворениот империјализам анализира новинарот Дејан Андоновиќ за Утрински брифинг на „Слободна ТВ“.
![](https://slobodenpecat.tv/wp-content/uploads/2020/01/деко1-1024x576.png)
Болтон е јастреб кој империјализмот го спроведува на најбрутален начин, и преку кој гледа американска доминација во светот. Тој е незадоволен што за време на својот мандат не успеа да издејстува никаква сериозна војна. Освен интервенцијата во Сирија и планот за ликвидирање на Сулејмани, што за неговите апетити не беше доволно.
Тој не успеа во Северна Кореја за која беше подготвен и нуклеарно да ја уништи. За Иран плановите беа да биде изведена воена интервенција, а во Венецуела планот на Болтон предвидуваше целосна окупација.
Сепак, се поизвесно е дека оваа дебата ќе заврши ако се земе предвид дека најверојатно кандидат на демократите нема да биде Бајден, туку Берни Сандерс. Според Андоновиќ, Сандерс нема да ја користи оваа приказна во кампањата против Трамп.