Бислимовски: Нема дозвола за градба доколку немате приклучок за парно греење
Се носи нов Закон за градба и РКЕ ќе предложи при носењето на овој закон за градба кога ќе се издава одобрението за градење точно да се наведе секоја зграда што ќе се грее.
Значи таму каде што имаме организиран систем на греење да се искористи.
Во градот Скопје сега го имаме системот за топлинска енергија и сметаме дека на тој начин ќе ја зголемиме ефикасноста при греењето. На тој начин сериозно ќе се влијае и на загадувањето на воздухот. Поентата е на најефикасен и најекономичен начин да го решиме греењето на граѓаните.
Не гледам логика оние кои што градат да не се приклучуваат на системот на топлинска енергија туку да се приклучуваат на електрична енергија. Ова во УБ го изјави Марко Бислимовски, директор на Регулаторната комисја за енергетика.
„Нема дозвола за градба доколку немате приклучок за парно. Топлинската енергија кај нас се произведува од природен гас, кој што е најеколошко гориво со кое што располагаме. Треба да знаеме и дека електричната енергија најголем дел се произведува од јаглен“.
Марко Бислимовски
Значи имаме сериозно загадување на воздухот таму каде што се електричните централи. Ова пред се се однесува на Битола.
Не фаворизираме, туку онаму каде што има развиен систем да биде наведено – греење да биде преку топлинска енергија.
При носењето на Законот за градба точно ќе се знае кои делови на Скопје на што ќе се греат.
Таму каде што нема развиен топлински систем, кај куќите најверојатно греењето ќе биде на електрична енергија додека не дојде природниот гас.
Значи ние не шириме мрежа на топлинска енергија, изјави Бислимовски.