Кираџиева: Левица ќе ги развива руралните подрачја на Аеродром

Кандидатката за градоначалник на Аеродром од редовите на Левица, Весна Кираџиева, неколкукратна шампионка во маратон, вели спортот и помага и таа е подготвена за локалните избори без разлика дали ќе завршат во прв или ќе има и втор круг во нејзината општина.

Во Утрински Брифинг Кираџиева рече дека најголем проблем на Аеродром е негрижата за хигиената и зеленилото на сметка на бетонизацијата.

Според неа, Левица не им ветува на граѓаните неостварливи проекти туку главен фокус е развивање на руралните подрачја на општината и средување на како што вели таа, дивите депонии во Горно и Долно Лисиче, и нивно претворање во големи зелени паркови.

Меѓу другото, Кираџиева рече дека Левица ќе ги стопира сите планирани градби во делот на Мичурин, бидејќи тој дел е пренатрупан.

Повеќе за идеите на Кираџиева за нејзината општина, во видеото.