? Архивата на Општина Кисела Вода на безбеден начин прима предмети од странки и истата непречено работи

Вработен во Општина Кисела Вода е заразен со вирусот Ковид-19, а неколку негови колеги се во изолација.

На состанокот од страна на членовите на кризниот штаб беа разгледани можните ризици заради настанатата ситуација, а беа донесени и важни препораки како за вработените така и за жителите на Општината.

Градоначалникот на Кисела Вода, Филип Темелковски за Утрински брифинг изјави дека од Центарот за јавно здравје се добиени препораки за понатамошно постапување.

-Архивата на Општината на безбеден начин ќе прима предмети од странки и истата непречено ќе работи секој работен ден од 8:00 до 16:00 часот. Локалната самоуправа за своите вработени набави и им подели заштитни маски кои ќе биде потребно задолжително да ги носат во своите канцеларии, изјави за Утрински брифинг, градоначланикот на Кисела Вода, Филип Темелковски..

Дезинфекцијата на општинските канцеларии, влезовите станбените згради, автобуските постојки, градинките и училиштата ќе продолжи да се одвива, како и во зградите во кои живее некој заболен или пак каде што има лица во карантин, додаде Темелковски.