? Андоновиќ: Предизборната реторика во Србија го тргна фокусот од коронавирусот
Три дена од укинувањето на вонредната состојба во земјата Србија влезе во почеток на жестока предизборна кампања во пресрет на изборите кои би треба да се одржат на 21 јуни.
Власта предводена од партијата на СНС на претседателот Александар Вучиќ започна со предизборни активности за покраинските локалните и парламентарни избори.
Наспроти партиите од владеачката коалиција, српската опозиција е поделена. Еден дел од опозицијата, која е застапена во парламентот предводена од Српските радикали на Воислав Шешељ, ЛДП на Чедомир Јовановиќ, и уште неколку партии ги подржуваат и најавија учество на изборите.
Вториот дел на опозицијата предводена од коалицијата Сојуз за Србија предводена од партијата ја Драган Ѓилас, Вук Јеремиќ и делови од поранешната голема Демократска партија на убиениот Зоран Ѓингиќ најавија дека ќе ги бојкотираат изборите. Тие го обвинуваат Вучиќ дека се подготвува да изврши груб фалсификат на изборите бидејки според нив Србија не може во вакви услови по вонредната состојба, но и во вакви недефинирани околности да спроведе фер и демократски избори.
Дел од оваа опозициона групација, лидерот на партијата Двери Бошко Обрадовиќ завчера направи инцидент на влезот на српското собрание, физички напаѓајки еден од пратениците на владеачката коалиција. Обрадовиќ од утринава започна со штрајк со глад демонстрирајки ја така определбата на дел од опозицијата која не ја признава власта ва Вучиќ и одлуката за одржување на изборите.
Третиот дел од опозицијата, предводена од поранешниот претседател на Србија Борис Тадиќ вчера најави дека ги преиспитуваат одлуките за излегување на изборите, сметајки дека со бојкот, Србија демократски ќе се уназади. Тадиќ, но и партијата на глумецот Сергеј Трифуновиќ сакаат да се оградат од насилството кое опозициониот блок на Ѓилас и Обрадовиќ го спроведуваат пред парламентот и сакаат да го оневозможат одржувањето на изборите.
Останува и нејасно како Србија два месеци од вонредната состојба и алармите од коронавирусот, за само два дена од укинувањето на полицискиот час, ја заборави епидемијата и целата политичка и медиумска јавност ја стави во функција на предизборието.