Атанасовски: Резолуцијата е добредојдена, но е задоцнета

Неколку пати сум велел дека оваа Резолуција е добредојдена, бидејќи се наоѓаме во еден период на тотална блокада на нашите евроинтеграциите од страна на целата бугарска политичка елита, но во исто време сум велел дека Резолуцијата и тоа како е задоцнета. Сметам дека оваа предложена Резолуција од страна на опозицијата ќе беше многу државнички, свесно и одговорно донесена доколку беше донесена во раните 90-ти години кога ние како независна држава од самиот старт се соочивме со блокирање и негирање на нашата национална самобитност, изјави во Утрински брифинг аналитичарот Благојче Атанасовски.

-Резолуцијата може едноставно да биде зацртување или исцртување на т.н македонски црвени линии, каде што преку оваа Резолуција секоја македонска влада која во иднина ќе разговара, дебатира или кога ќе треба да се постигне компромис и консезус со источниот сосед, да се води по оваа Резолуција, односно по тие предвидени т.н македонски црвени линии од кои нема отстапување, вели Атанасовски.

Од друга страна, смета Атановски, Резолуцијата може да ги подигне влоговите во решавањето на спорот, бидејќи не смееме да заглавиме во овој спор, како што тоа го направивме со јужниот сосед.

Интегралниот разговор со аналитичарот Атансовски погледнете го во видеото