? Богојевски: Избори час поскоро – ако Мицкоски бега и од 5 јули тогаш не треба да се чека на него

Разочарувачка беше одлуката на Пендаровски. Изборите требаше да се случат на 21 јуни и да се заврши со ова сега што се случува. За жал кај нас политика се води врз база на партиски интереси а не во интерес на граѓаните, изјави во Утрински брифинг, Петар Богојевски од Македонски Концепт.

-Денес сме сведоци на злоупотреба на политичката моќ- злоупотреба на МВР со крајна цел одложување на изборите. Тоа го видовме со повиците на министерот Чулев дека нема да казнува. Тоа го видовме што МВР не интервенираше за време на верските празници. Ги игнорираше настаните со цел да предизвика и да се дојде до ситуација -одлагање на изборите. Тоа го видовме и со повикот на Силјановска дека не треба да има мерки за време на Бајрам. Оваа игра која предизвикува катастрофални резултати е водена од транзициони политичари кои е време да си заминат од политиката, вели Богојевски и додава дека во овој момент е битно да се стабилизира државата.

-За нас е најбитно да се оддржат изборите час поскоро. Ако Мицкоски бега од 5 јули тогаш не треба да се чека на него. Земјата мора прво политички да се стабилизира и да одиме кон реални економски мерки. Потребна ни е легитимна влада која мора да ја отпочне преговарачката рамка, додава Богојевски во Утрински брифинг.