? Наумоски во Скопски агол: аплицирањето за субвенции за велосипеди не може да биде електронско поради законски пречки

Долга колона граѓани кои чекаат ред за влез во барака 16 се забележуваат втор ден по ред, откако Град Скопје го објави повикот за аплицирање за субвенции за велосипеди и тротинети. Шефот на кабинет на градоначалникот, Никола Наумоски денеска во Скопски агол на Утрински брифинг информира дека една третина од средствата се веќе исцрпени.

Само вчера пристигнаа барања за 700 велосиоеди и 100 тротинети. Нашите очекувања се дека за неколку дена ќе заврши повикот, бидејќи ќе биде исполнет бројот на барања и со тоа ќе бидат потрошени средствата во висина од 10 милиони денари, кои Градот ги обезбеди за оваа намена, рече Наумоски. Што се однесува на создадениот метеж пред барака 16, тој објасни дека не постои друг начин да се аплицира.

За жал, не успеавме аплицирањето да го направиме по електронски пат. Тоа е пречка од законски, не само од технички аспект, бидејќи луѓето мораат во оригинал или копија да достават дел од своите документи. Се надеваме дека следната година ќе успееме да го преместиме системот на аплицирање на владиниот сајт е- услуги за да може електронски да се аплицира. Сепак мора да имаме во предвид дека субвенциите ги даваме на принципот” прв дојден, прв услужен”, што значи дека важно е да се дојде и да се добие печат ба време, објасни Наумоски.

Што се однесува на пренамена на средствата за борба против кризата предизвикана од пандемијата, Наумоски потсети дека претходно со пренамена на средства биле прскани јавните површини и игралишта.