Ванчо Орданоски: Државата мора да размисли да воведе субвенции за ИТ индустрија

Младите и образовани луѓе често заминуваат. Актуелна во светски рамки е ИТ индустријата. Таа создава нето износ од 160 милиони евра, со перспектива да стигне до двојна сума и со вкупен приход близок до 800.000.000 евра. Што се случува со македонската ИТ индустрија? Продуцираме ли кадри за сопствени компании или за аутсорсинг компании.

ФИНКИ и други универзитети во Македонија продуцираат кадри со одличен квалитет. За жал понатаму тоа не се прелева така како што треба, особено не за македонската економија.

Аутсорсинг во толкава бројка не доаѓа затоа што дели огромни плати, туку затоа што им се исплати. Платите на тој ИТ кадар, на тие програмери кои што работат во тие аутсорсинг компании е многу помала од местото каде што доаѓаат, изјави во Утрински брифинг, Ванчо Ордановски, експерт за ИТ.

Годишно околу 120 млади луѓе дипломираат за ИТ инжинери, од нив околу 80 или 2/3 си одат за странство. Тие млади луѓе не се толку добро платени. Точно е дека во западна Европа програмерите се одлично платени, но за тоа треба да бидеш програмер со долги години искуство, а тоа не се станува за година или две. Младите заминуваат и заради општествени причини. Тука им е постојана криза, сметаат надвор дека ќе имаат поголем мир, но ќе се изненадат кога ќе најдат дека трошоците за живот се многу високи.

За да функционира ИТ индустрија во вистинска смисла, за да се разбиен еден сериозен софтвер ви требаат многу пари. Тие пари обично старт-ап ги нема.

Но според мене, државата мора да размисли воведе субвенции на сличен начин како кај земјоделците. Прво мора да се вложи и во равојот. За да се добијат квалитетни програмери кои што ќе направат добар развој мора да се исфинансираат. Се уште нема нешто што е системски и особено нема нешто на што може да се потпре било кој старт-ап, изјави во Утрински брифинг Ордановски.