Василев од Комисијата за антидискриминација: Да поставиме професионални стандарди од кои граѓаните ќе можат да бидат задоволни

Комисијата од оваа година ќе биде професионално тело, не како што беше претходно. Ние како комисионери секој ден ќе одиме стандардно на работа и ќе очекуваме претставки во погледн на дискриминацијата, но мора да нагласам и дека по службена должност може да направиме увид во простории и документација онаму каде што имаме сомнеж, изјави во Утрински брифинг Кире Василев, член на новата Комисија за антидискриминација.

Ѓраѓаните можат да поднесат претставка лично, писмено или усно, исто така може да ги застапува и фондација, невладина организација или синдикат. Граѓаните можат да поднесат и судска тужба, преку парничка постапка ќе се одлучува нивниот случај. Она што е битно е тоа дека и пред Комисјата и пред судот претставките одат на државниот буџет, значи не на личниот буџет, така што ги охрабруваме граѓаните да се обратат кај Комисијата, вели Василев.

Волјата на државата за конечно да воспостави Комисија на професионални основи резултираше со тоа да се одвои посебна ставка од буџетот и тоа е одлично. Со финансии сме горе-доле покриени. Она што е наша интенција е да поставиме професионални стандарди од кои граѓаните ќе можат да бидат задоволни и да воспоставиме една институција која ќе има збор во нашето општество и ќе се бори против дискриминацијата на сите основи, смета Василев.

Целиот разговор со Василев погледнете го во видеото