Вицегувернерката Митреска: Речиси да нема земја каде не е во пораст инфлацијата

До кога ќе трае покачувањето на инфалицијата. Помината е магичната бројка од 10%. Многумина велат дека се приближуваме до неверојатните движења од 1997 година. Како ќе се воспостави контрола на порастот на инфлацијата.

-Вчера ги завршивме најновите макроекономски проекции. За жал тоа што светот го очекуваше во октомври, а тоа е некоја стабилизација и нормализација на сите економски текови не се случи од едноставна причина што во овој меѓупериод, светот, особено Европа се соочи со еден многу голем шок, удар, а тоа руската инвазија на Украина, која што има економска цена и носи еконмски штети за цела глобална економија , изјави за Утрински брифинг вицегувернерка, М-р Ана Митреска. 

-Една од тие штети, за која што во неколку наврати веќе искоментиравме е растот на цените. Ова беше очекувано затоа што се работи за две земји кои што се едни од најголемите извозници, глобални снабдувачи на пазарите на храна, енергенси, а тоа се разбира дека понатаму се пренесува врз инфлациите во останатите економии.

Вицегувернерката вели дека инфлацијата која што ја имаат објавено е 8,8 проценти и таа е темелена на одредени претпоставки.

-Има голема промена за претпоставките за увозните цени. Ако очекуваме увозената инфлација во октомври да биде околу два проценти сега е шест. Цените на примарните производи, енергенсите, цените на храна, на житариците -корекциите се нагорни, со оглед на овој удар и шок којшто се случува, вели вицегувернерката.

Целиот разговор погледнете го во видеото