? ? Во В.Британија минута молчење за починатите во јавното здравство од КОВИД-19 – заштитната медицинска опрема останува акутен проблем

По еден месец го видовме премиерот Џонсон – се појави пред вратата на Даунинг Стрит 10. Јавноста очекуваше нешто драматично различно – Џонсон изјави дека доаѓаме на крајот на првата фаза на овој конфликт и дека ова е моментот на максимален ризик. Премиерот на Велика Британија побарал семејствата и бизнисите да бидат трпеливи и да не бидат попусти напорот и жртвите кои до сега ги направил Британскиот народ, ја пренесе атмосферата директно од Лондон новинарката Жанета Скерлев.

Скерлев истакна и дека во наредните денови се очекува да се обзнанат повеќе детали за понатамошното справување со КОВИД-19.

-Морам да истакнам дека премиерот има поддршка од опозицијата во врска со мерките. Прес конференциите се одвиваат преку видео кол, а новинарите слично како и во Македоија ги поставуваат онлајн.

-Денеска ќе се одржи минута молчење за починатите во јавното здравство од КОВИД-19. Членовите на семејствата од оние кои починаа во борбата од Коронавирусот ќе добијат по 60.000 фунти за секое семејство- мерка која деновиве беше донесена од Владата, вели Скерлев.

Многумина овде сметаат дека во продажба нема доволен број маски и дека тие се чуваат за јавното здравство. Проблемот со заштитната медицинска опрема е акутен проблем. Факт е дека нема доволно опрема и тоа се уште се провлекува. Затоа и емрките се такви какви што се. Некои велат дека не треба да се носат цело време, некои велат дека е доволно шалче и марама. Додека не се усогласат лекарие ќе постои оваа дополнителна нервоза и недоверба, вели за Утрински Брифинг, новинарката Жанета Скерлев.