? ? Димовски: Правото за здрава и безбедна работна средина е основно човеково право – газдите да не ја користат кризната ситуација и да исплаќаат двојно пониска плата
Меѓународната организација на трудот го одбележува 28 април како Светски ден за безбедност и здравје на работа. Тоа е меморијален ден кој е посветен на работниците кои своите животи ги изгубиле поради повреди на работа и професионални болести.
Светскиот ден за безбедност и здравје на работа оваа година се одбележува во многу специфични и сериозни околности, што сите нас не става пред големи професионални предизвици, а тоа е пандемијата на КОВИД-19, го честиташе денот претседателот на ССМ, Дарко Димовски.
Закон за работни односи
– Покрај законот за работни односи ССМ учествува и во доработка на новиот закон. Поради изборите и КОВИД-19 бевме спречени да го корегираме законот. Секој сака задоволни работници. Работодавачите да не ја користат кризната ситуација и да исплаќаат двојно пониска плата за вработените, апелира Димовски.
Според сознанијата на ССМ дел од газдите, претежно во поголемите фабрики, правеле вештачки прекин во работата, само за да исплатат половина од платата и покрај тоа што вработените работеле прекувремено. ССМ бара што поскоро да се санкционираат работадавачите кои се богатат на грбот на граѓаните.
Работодавачите да не ја користат кризната ситуација и да исплаќаат двојно пониска плата за вработените.
Работниците работат во 4 смени. Потоа газдите го прекинуваат производството на 2 дена, каде прават вештачки прекин на работата и со тоа им исплаќаат за 50% пониска плата на работниците, изјави Дарко Димовски, претседател на ССМ.
Здравје и безбедни работници, сигурни работни места, достоинствени плати и социјална запштита
Според Димовски, проблемот е во различното толкување на ист закон, но различни членови, каде во еден е наведено дека во услови на виша сила, на работникот може да му се исплати половина од платата. Но во друг член, пишува дека треба да му се исплати 70%.
Оваа години ССМ ќе го „дигитализира маршот“, здравје и безбедни работници, сигурни работни места, бидејќи знаеме дека многу работни места се изгубија о овој кризен период. Апелирам работниците да не ја губат надежта, ние им нудиме бесплатна правна помош. Бараме и достоинствени плати и да не се злоупотребува овој КОРОНАВИРУС. Социјална заштита мора да биде вклучена тука. Сметам дека ние како ССМ, Владата, работодавачите и невладините, можат да го овозможат ова кога сме засегнати со пандемијава, изјави за Утрински брифинг, претседателот на ССМ, Дарко Димовски.