Градоначалникот на Центар, Богдановиќ, за УБ: Имам желба и амбиција за втор мандат

Премиерот и претседател на владејачката СДСМ Зоран Заев пред неполна недела запрашан за можните кандидати за градоначалници на партијата за локалните избори, изјави дека партијата планира дел од сегашните градоначалници да се тркаат за реизбор.

– СДСМ има постапка и ги слуша граѓаните. Ако тие не се задоволни, секако ќе има други кандидати. Ќе застанам зад неколку, поради личниот добар впечаток. Досега задоволен сум од градоначалниците на Валандово, Богданци, Демир Капија, Штип, Крушево, Дојран, Ростуше, Маврово и Старо Нагоричане, додаде тој.

Во тој контекст премиерот не спомна ниту еден од актуелните градоначалници во Скопје.

-Имам желба и амбиција за втор мандат. Пред се за завршување на прокетите, исполнување на се она што е ветено. Премиерот соопшти неколку имиња, но јас ова го сфаќам како обид да работиме уште повеќе, изјави во Утрински брифинг, градоначалникот на општина Центар, Саша Богдановиќ.

Имаме голем број на проекти кои треба да се завршат. Новата градинка во Пролет, каде што според наши очекувања треба да се заврши во март, април. Тука е доградбата на ОУ Коле Неделковски, тука е и завршувањето на „Орце Николов“, Аминта Трети…

Со доделувањето на средства за КК Работнички, не загрозуваме никаква капитална инвестиција, изјави Богдановиќ околу информациите дека голема сума на пари се одлева во кошаркарскиот кллуб, на сметка на реконструкција на градинка.

Во јавноста, се појавија информации дека наводно во ООУ „Киро Глигоров“ ќе отпочне со работа приватнa гимназија. Општината Центар веднаш ги демантираше овие шпекулации велејќи дека такво нешто нема да дозволи.

За тоа дали во ООУ „Киро Глигоров“ ќе има или ќе нема приватно средно училиште не одлучува ниту Советот, ниту општината како тело, туку само училишниот одбор. Во училишниот одбор членуваат наставници од училиштето, советници од Советот и претставници на родителите на децата кои посетуваат настава во училиштето.

Ставот на Општина Центар во однос на приватната гимназија во ООУ „Киро Глигоров“ е дека не треба да има мешање на децата. Овде изградивме ново, модерно, современо основно училиште, кое треба да биде пример, а не пречка во образовниот процес. Приватно средно образование во основно училиште нема да дозволиме“, вели градоначалникот на Општина Центар, Саша Богдановиќ.

Околу прашањето за паркирањето во општината, Бодановиќ вели дека целта на општината е да се дозволи паркирање онаму каде што има простор.

Имате катна гража на влезот во Центар, кај факултетите, која до пред извесно време не се користеше, бидејќи луѓето сакаа да влезат со кола ако можат и во ресторан. Ние сега и во соработка со град Скопје, ги чистиме сите непрописно паркирани. Не е дека нема доволно простор,но ние како луѓе треба да ги смениме навиките дека не може секаде да одиме со возило. Треба да се даде простор и на другите луѓе. Нашата интенција е што помалку возила да има во Центар.

Како општина имаме поднесено најмногу пријави и како обвинителни акти и како прекршочни и најмногу пари враќаме во буџетот, бидејќи тоа е интересот кај сите“, изјави Богдановиќ.

Според него, општина Центар е една од ретките општини која што има вратено средства во својот буџет од завршен судски предмет.

„Минатата година 4 милиони евра се вратени во буџетот. Како општина сме незадолжени и ќе ги завршиме проектите“, истакна Богдановиќ.

Целиот разговор со градоначалникот на општина Центар, Саша Богдановиќ, погледенте го во видеото.