Др. Трпчевски за УБ: Породувањето во вода има предност во однос на „сувото“ раѓање

„Интересот за вонтелесното оплодување расте. Тоа е резултат на нашиот успех. Задоволството на пациентите се пренесува. Со оглед на местоположбата на Битола јас сум презадоволен.

Болницата “Плодност“ работи веќе 9 години, при тоа уште за време на подготовките за отворање моја намера беше да ја воведеме методата породување во вода (специјална када) и според стандардите на проектот направивме место каде таа опрема ќе се постави, во нашата болница. Овој метод на породување има поголема предност пред традиционалниот начин како би рекол, природното „суво“ раѓање.

Посебно ми е задоволство и чест што тоа за прв пат се случува во нашата болница “Плодност“.

Со овој начин на породување се намалува и стресот кај бебето, изјави за Утрински брифинг, примариус др. Таше Трпчевски од ПЗУ „Плодност“ – Битола.